საყვარელო მშობლებო და ჩემო პატარა მოსწავლეებო ! გილოცავთ ახალი სასწავლო წლის დადგომას, ვისურვებდი მშვიდობით დაწყებასა და ასევე მშვიდობიანად მეორე კლასის დამთავრებას. ყოფილიყოს ჩვენ შორის ურთიერთგაგება და ერთმანეთის მიმართ პატივისცემა. გისურვებთ წინსვლას სწავლაში, სიხარულსა და სიყვარულს
თქვენი თეონა მასწავლებელი


მინდა ცოტა რამ გითხრათ ბლოგის შესახებ:
ბლოგი, როგორც სწავლა-სწავლების ეფექტური საშუალება დღითიდღე პოპულარული ხდება. ძალიან მნიშვნელოვანია ამ რესურსის მაქსიმალური გამოყენება.სხვადასხვა სასწავლო აქტივობების დაგეგმვა-ჩატარებისას. ბლოგების ჩართვა სწავლა-სწავლებაში ერთის მხრივ (მოსწავლეებში):
 • ემსახურება დადებითი ემოციური ფონის შექმნას; 
• ავითარებს ბავშვის შემოქმედებით უნარებს ;
 • ზრდის ბავშვის მოტივაციასა და ინდივიდუალურობას; 
• სწავლებას ხდის მრავალფეროვანს; მეორეს მხრივ, მასწავლებლებს: 
• ეხმარება ბავშვის უკეთ გაგებაში, ცოდნისა და უნარების უკეთ შეფასებაში;
 • ეხმარება ეძებოს სწავლების ახალი, არატრადიციული მეთოდები და ფორმები;
 • ეხმარება კოლეგებთან თანამშრომლობის ხარისხის ზრდაში;
 • ეხმარება ინოვაციების გაცნობასა და ურთიერთგაზიარებაში. 

    ჩემი ბლოგი დაგეხმარებათ სხვადასხვასასწავლო აქტივობების უკეთ და ხალისით სწავლებაში.აქ ნახავთ ტესტებს, გამოცანებს ,კოჭლმაჯამებს ,საინტერესო ბმულებს ,როგორც მოსწავლეებისათვის ასევე მშობლებისათვის.ყოველდღიურად ატვირტული იქნება საშინაო დავალება,მოცემული იქნება კლასგარეშე საკითხავი ლიტერატურა.
     შეგიძლიათ გაეცნოთ კლასში ჩატარებულ სხვადასხვა სასწავლო აქტივობებს, ნახოთ სურათები და ვიდეოები.
        შესაძლებლობა გაქვთ თქვენი აზრი გამოხატოთ კომენტარებში,რომელიც გათვალისწინებული იქნება ბლოგის შემდგომი მუშაობისას.